Bu gün tətbiqlər vasitəsilə qəbzlərin oxunması və alınan məhsullara görə ƏDV-nin geri qaytarılması mümkün olmayıb.

Axar.az xəbər verir ki, bu barədə sosial şəbəkələrdə paylaşımlar edilib.

Xatırladaq ki, 7 iyun tarixində belə bir problem olacağı ilə bağlı ötən gün xəbərdarlıq edilmişdi. Belə ki, bu gün Dövlət Vergi Xidməti tərəfindən “ƏDV geri al” portalında texniki tənzimləmələr həyata keçirilir. Bununla bağlı olaraq, “ƏDV geri al” portalında, həmçinin bankların təqdim etdiyi tətbiqlərdə ƏDV geri almaq üçün qəbzlərin oxunması problemi yaşanır.

Məlumat üçün bildirək ki, tənzimləmə bu gün başa çatacaq və sabahdan etibarən qəbzləri oxudaraq, ƏDV geri almaq mümkün olacaq.

Qeyd edək ki, QR ödənişlər üzrə birbaşa əldə olunan ƏDV-lər 8 iyunda, digər ödənişlər üzrə 7 iyunda geri qaytarılması nəzərdə tutulan ƏDV-lər isə yaxın bir neçə gün ərzində köçürüləcək.