Bakının "Sovetski" adlandırılan məhəlləsində layihəyə əsasən 3750 ev sökülməlidir.

Axar.az xəbər verir ki, bunu ANS telekanalına açıqlamasında Baş nazirin müavini Abid Şərifov deyib. A.Şərifov bildirib ki, 3478 evin vəsaiti artıq ödənilib və sökülüb:

"Sökülən, ancaq qarşılığı ödənilməyən obyektlərin sayı 15-dir. Bu, sənədləşmə problemi ilə əlaqədardır. Kompensasiyası ödənilməli və sökülməli olan təqribən 250 obyekt qalır".

A.Şərifov tarixi abidələrin sökülməsinə dair məsələyə aydınlıq gətirib:

"Azərbaycanda qəbul olunmuş qaydalara uyğun olaraq, bu abidələr rəyə əsasən siyahıdan çıxarılıb. Yalnız Nazirlər Kabinetinin qərarında bir obyekt ev kimi gedirdi. Bu, qədim hamamdır və artıq siyahıdan cıxarılıb".