Rusiyanın ən məşhur turizm saytlarından olan "turstat.com"un araşdırmasına əsasən, "Şahdağ" Turizm Mərkəzi yay turizmi və dağ gəzintilərinin - trekkingin əlverişli olduğu turizm mərkəzləri arasında ilk üçlükdədir.

Mədəniyyət və Turizm Nazirliyindən Axar.az-a bildirilib ki, təsnifat zamanı mərkəzlərdə mövcud olan infrastruktur və hotellər, o cümlədən mərkəzə çatma üsulları nəzərdə alınıb.

Göstərilib ki, "Şahdağ" Turizm Mərkəzi beynəlxalq hava limanından uzaqda yerləşsə də, Soçinin "Krasnaya Polyana" kurortu ilə rəqabət apara biləcək gücdədir.

Məqalədə qeyd olunur ki, Şahdağda istirahət edənlər üçün trekkingdən əlavə seqvey, bob-kart, kvadrosikl, trottinet, ziplayn, atla gəzinti kimi çoxsaylı yay əyləncələri də mövcuddur.