Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
29 Sentyabr 2020


Lənkərandan Koreyaya tələbə göndəriləcək - Səfir

Ana səhifə Toplum
12 Punto 14 Punto 16 Punto 18 Punto

Koreya Respublikasının Azərbaycanda fövqəladə və səlahiyyətli səfiri Kim Çanq-Qyun Lənkəranda olub.

Report-un məlumatına görə, rayon icra hakimiyyətinin başçısı Taleh Qaraşov qonağı qarşıladıqdan sonra ümummilli lider Heydər Əliyevin abidəsi ziyarət edilib, qarşısına gül qoyulub.

Lənkəran Şəhər İcra Hakimiyyətində (ŞİH) keçirilən görüşdə koreyalı diplomata Lənkəranın coğrafi mövqeyi, əhalinin məşğulluğu, sosial-iqtisadi inkişafı, turizm potensialı barədə ətraflı məlumat verilib. Lənkəranın çayçılıq, sitrusçuluq və çəltikçilik kimi ənənəvi təsərrüfat sahələrinin yeni texnologiyalara əsaslanan, müasir marketinq qaydalarına uyğun şəkildə inkişaf etdirildiyi bildirilib. Ötən ildən başlayaraq Koreyadan gətirilən sitrus növünün daha geniş ərazidə artırılmasından ötrü rayona yeni tinglərin gətirildiyi söylənib.

T.Qaraşov bu meyvənin təkcə bazara çıxarılmasını deyil, sənaye üsulu ilə emalı üçün Koreya texnologiyasının Lənkəranda quraşdırılmasını məqsədəuyğun olduğunu qonağın diqqətinə çatdırıb.

Səfir Kim Çanq-Qyun Azərbycan və Koreya xalqının eyni kökə aid olduğunu, azərbaycanlıları Orta Asiya xalqları kimi qohum xalq olduğunu bildirib: "Altay dillərində danışan xalqlar olaraq eyni mədəni kökü paylaşırıq. Həmçinin, xalqlarımız uzun tarixi dövr ərzində formalaşmış zəngin mədəni irsə malikdir. Xalqlarımızın mədəniyyət sahəsində əməkdaşlıq etməsinə baxmayaraq, etiraf etməliyəm ki, bu, kifayət deyil. Ümid edirəm ki, əməkdaşlığımız mədəniyyətin bütün sahələrdə daha fəal şəkildə inkişaf edəcək. Bunun üçün 2-3 qat artıq işləmək lazım gəlir. İl ərzində Koreyadan Azərbaycana 3.5 - 4 minə qədər koreyalı gəlir. Bu çox azdır. Burada çalışacağım müddətdə bu rəqəmin 50 minə qədər artırılmasına çalışacağam. Bunun üçün mədəni əlaqələr əsas istiqamətlərdəndir".

Təhsil sahəsində də layihələrə qoşulmaq fikrini bildirən səfir imkan daxilində ildə, və yaxud iki ildən bir Lənkərandan bir seçilmiş tələbənin Koreyada təhsilini davam etdirmək imkanı olacağını söyləyib.

Görüşün sonunda səfir Kim Çanq-Qyuna Lənkəran sənətkarlarının toxuduqları xalça hədiyyə edilib.

Tarix
2016.06.23 / 21:26
Müəllif
Axar.az
Şərhlər
Digər xəbərlər

Düşmən Daşkəsəni artilleriya atəşinə tutur – Rəsmi

MN: Gərgin döyüşlər davam edir, düşmən geri çəkilir

Şirəliyev türkiyəli həmkarı ilə danışdı: Hər cür yardım...

Bir ailənin həlak olduğu evdən - Fotolar

Rezidenturaya müsabiqənin nəticələri açıqlandı

Serbiya KİV erməni təxribatından yazdı

Azərbaycan təyyarəsinin vurulması yalandır - MN

Səudiyyədən Qarabağ açıqlaması: Böyük narahatlıq...

Avropa mətbuatı erməni təcavüzündən yazdı

Ermənistan niyə mülki əhalini hədəf seçir - Səbəblər

KULT
Xəbər xətti
 
yatsan
Axar.az'da reklam Bağla
Reklam
Bize yazin Bağla