Nərimanov rayonunun Arif Heydərov, Vladimir Mayakovski, Əlicabbar Orucəliyev və Çernyavski küçələrində təmir-bərpa işləri həyata keçirilir.

Azəravtoyol ASC-dən Axar.az-a verilən məlumata görə, aparılan təmir işləri zamanı küçələrin köhnə asfalt-beton örtüyünün üst qatı frezlənərək ərazidən daşınır, yolun hərəkət hissəsi hazır vəziyyətə gətirilir və asfaltlanır.

Bundan başqa, zəruri olan yerlərdə piyada səkiləri bərpa olunur və yeniləri tikilir, səki daşları düzülür, yeraltı kommunikasiya xətlərinin dəmir-beton plitələri qaldırılaraq, baxış qapaqları yenilənir.

Bütün işlərin qısa müddət ərzində yekunlaşdırılması planlaşdırılır.