Ukraynalı şoumen Vladimir Zelenski Ramzan Kadırovla etdiyi zarafatla qalmaqala səbəb olub.

Axar.az xəbər verir ki, "Gecə radələri" proqramında yayımlanan süjetdə Çeçenistan prezidenti Ramzan Kadırovun ağladığı əks olunur. Montaj olunan videoda Kadırovun Leninin yıxılan heykəlləri üçün ağladığı göstərilir. Şoumenin qara yumoru kəskin tənqidlərə səbəb olub. Gerçək videoda Kadırovun dua edərkən ağladığı görünür.

Vladimir Zelenskinin yoldaşları Kadırovdan üzr istəmək üçün müraciət hazırlayıblar. Lakin şoumen bundan imtina edib. O, yalnız İslama hörmətsizlik etdiyini düşünərək, müsəlmanlardan üzr istəyib.