Onun adı Azərbaycan teatr və kino tarixinə qızıl hərflərlə yazılıb. O, mədəniyyət tariximizdə elə bir iz qoyub ki, bundan sonra neçə onilliklər ötsə də bu izi silmək qeyri-mümkündür.

…Onda səhnə adamı üçün lazım olan bütün keyfiyyətlər var idi. Söhbət Azərbaycan mədəniyyəti və incəsənətində özünün məktəbini yaradan, incə yumor hissinə malik ölməz aktrisamız Nəsibə Zeynalovadan gedir.

Onun yaratdığı kino obrazlarının sözləri dillər əzbəridir. Adi, kiçik rolları da tamaşaçıların yaddaşına yazmağı bacaran bu misilsiz aktrisanın yaratdığı obrazları bir-birindən seçmək, "bu obrazı daha yaxşı yaradıb" demək olmur.

Nəsibə Zeynalovanın obrazları həyatiliyi və real bədii təsvirləri ilə həmişə orijinal görünüb. Sevilən aktrisa qırx ildən çox işlədiyi sənət ocağının repertuar ağırlığını ləyaqətlə çiyinlərində daşıyıb. Özü deyirdi ki, oynadığı obrazlar arasında heç bir ayrı seçkilik qoymayıb, bütün obrazları onun ürəyincə olub.

Qeyd edək ki, süjetin hazırlanmasında Mir Şahinin müəllifi olduğu "Təmiz söhbət" verlişinin kadrlarından da istifadə edilib.

Daha ətraflı Axar TV-nin təqdim edəcəyi süjetdə: