Onun ölümü Azərbaycana sözün həqiqi mənasında şok yaşatdı. Bəli, həmin gün televizorda, radioda səsləndirilənlər çoxlarını şoka salmışdı. Xəbər isə beləydi: "Xalq artisti Telman Adıgözəlov bu gün dünyasını dəyişib".

O elə bir aktyor idi ki, ifa etdiyi ən kiçik obrazlarla belə səhnəyə çıxarkən bütün tamaşaların gedişatını dəyişməyi bacarırdı. Telman Adıgözəlov təkcə gözəl aktyor və ailə başçısı deyildi. O, həm də gözəl insan idi. Onunla eyni səhnəni bölüşən sənət dostları bu güh də onu böyük təəssüf və ən səmimi hisslərlə yad edirlər. Unudulmaz sənətkar ömrünün son gününə qədər hamının yaddaşında yalnız xoş xatirələrlə qaldı.

Telman Adıgözəlov qəfildən cəmi 57 yaşında gözəl bir yaz səhərində gözlərini bu dünyaya həmişəlik yumdu. Onun bizi belə vaxtsız tərk etməsi onu sevənlərini, yaxınlarını çox üzdü, çünki biz onun yaratdığı obrazlardan doymamışdıq.

Daha ətraflı Axar TV-nin təqdim edəcəyi süjetdə: