Əfqanıstanın paytaxtı Kabil hava limanı yaxınlığında yanlışlıqla sıravi vətəndaşları vurduq.

Axar.az xəbər verir ki, bu barədə Pentaqondan açıqlama verilib.

Açıqlamada qeyd edilir ki, ABŞ-ın hava əməliyyyatı nəticəsində sıravi vətəndaşlar zərər görüb.

"Kabil hava limanı yaxınlığında hücum edən terrorçuları geri çəkilməyə məcbur etmək üçün hava əməliyyatı reallaşdırılıb. Təəssüf ki, raketlərdən biri düzgün işə düşmədi və nəticədə zərər görənlər oldu. Buna görə təəssüf edirik", - açıqlamada deyilir.

Əfqanıstan mediasının məlumatına görə, ABŞ-ın hava əməliyyatı nəticəsində 1 nəfər ölüb, 4-ü yaralanıb.

Qeyd edək ki, bu gün ABŞ Müdafiə naziri Ceyms Mettisə sui-qəsd təşkil edildiyi iddia edilib. Belə ki, Mettisin təyyarəsi Kabilə enərkən aeroportun yaxınlığına raket zərbəsi endirilib. Sui-qəsd cəhdinə görə məsuliyyəti Taliban üzərinə götürüb. Bundan bir müddət sonra isə İŞİD sui-qəsd planının müəllifi olduğunu açıqlayıb.

Rusiya hər iki terror təşkilatının sui-qəsd cəhdinin məsuliyyətini üzərinə götürmək istəyini maliyyələşmə ilə əlaqələndirib.