"Dünən mən bir vətəndaş olaraq öz ölkəmlə qürur duydum".

Bu sözləri birinci Avropa Oyunlarının ulduz səfiri aktyor Bəhram Bağırzadə açılış mərasimi ilə bağlı Axar.az-a danışarkən deyib:

"Açılış çox möhtəşəm oldu, hər şey mükəmməl təşkil olunmuşdu. Bu cür tarixi hadisəni bizə yaşatdığı üçün Azərbaycan Respublikasının Prezidenti İlham Əliyevə, birinci xanım Mehriban Əliyevaya öz dərin minnətdarlığımı bildirirəm.

Avropa Oyunlarının ərsəyə gəlməsində könüllülərin böyük rolu olub. Onlara da minnətdarlığımı bildirirəm. Həmçinin Azərbaycan polisləri də alqışa layiqdirlər. Onların hər kəslə necə mədəni davrandığını görmək lazım idi. Azərbaycan polisi sübut etdi ki, biz sivil, mədəni, inkişaf etmiş bir ölkədə yaşayırıq."