2016-cı il ədəbiyyat üzrə Nobel mükafatının Bob Dilana verilməsi məni çox məyus etdi.

Kult.az xəbər verir ki, bu sözləri Nobel mükafatlı türk yazar Orxan Pamuk rus mətbuatına müsahibəsində deyib.

“Məncə, bu mükafat ədəbiyyat dünyasında məşhur simalara verilməlidir. Bu mükafatı almağa layiq olan möhtəşəm amerikalı yazıçılar var. Dilan məşhur bir simadır, mahnı və şeir yazır. Lakin ədəbiyyat sahəsindəki istedadı ilə önə çıxmayıb. Məncə, mükafatın kimə verildiyi açıqlandığı gün bir çox yazıçı buna məyus oldu”, - Pamuk bildirib.

Qeyd edək ki, Orxan Pamuk 2006-cı ildə ədəbiyyat üzrə Nobel mükafatına layiq görülüb.