Ana səhifə Kult Ədəbiyyat |
Amerkalı yazar Din Kuntzun 1981-ci ildə qələmə aldığı “Qaranlığın gözləri” adlı novellasında gündəmi zəbt edən koronavirus epidemiyasına oxşar epidemiyadan bəhs olunur.
Kult.az-ın Qadinklubu.com-a istinadən məlumatına görə, "Qaranlığın gözləri" novellasının oxucuları bütün dünyaya car çəkirlər ki, koronavirusun 2020-ci ildə peyda olacağı bu kitabda proqnozlaşdırılıb.
Novella oğlunu düşərgəyə göndərən anadan bəhs edir. Düşərgəyə gedən hər kəs naməlum şəkildə ölür. Oğlunun ölümünü qəbul etməyən ana dostu ilə bir yerdə bu məsələnin dərinliyinə getməyi qərara alır. Oğlunun öldüyü gün həqiqətdə nə baş verdiyini ortaya çıxarmağa çalışır.
Məlum olduğu kimi, koronavirus xəstəliyi 2019-cu ildə Çinin Uhan şəhərində aşkarlanıb. Bu fakt novellada “Wuan- 400” biosilahı kimi təqdim edilib. Əslində real xəstəliklə novelladakı biosilah arasında nəzərə çarpacaq fərqlər var.
Qeyd edək ki, digər bir yazar Silviya Braun də 2008-ci ildə çap olunan "Günlərin sonu" (End of Days) kitabında ölümcül virusun 2020-ci ildə gələcəyini proqnoz edərək yazıb:
“2020-ci ildə ağciyərlərə və bronxlara yoluxan və bütün müalicə üsullarını dəf edən yeni bir xəstəlik dünyaya yayılacaq. Xəstəliyi özündən daha təəccüblü edən məqam sürətlə yayıldığı kimi sürətlə yox olmasıdır. 10 il sonra təkrar peyda olacaq və o zaman virus tamamən yox olacaq”.
Tarix
2020.03.17 / 02:00
|
Müəllif
Kult.az
|