Aprelin 2-də saat 16:00-da Azərbaycan Milli Xalça Muzeyində filologiya üzrə fəlsəfə doktoru, dosent​ Təhminə Bədəlovanın təqdimatında​ “Nizami Gəncəvi yaradıcılığında sənət və sənətkarlar” mühazirəsi təşkil olunacaq.

Kult.az xəbər verir ki, bu barədə Milli Xalça Muzeyi məlumat yayıb.

“Mühazirədə dahi şairin müxtəlif sənət sahələrinin özünəməxsus cəhətlərinə dair fikirlərindən və bu sənəti yaradan insanlara verdiyi dəyərdən bəhs olunacaq. Karantin qaydalarına əsasən mühazirədə 10 nəfər iştirak edə bilər. Bunu nəzərə alaraq, BU LİNKƏ daxil olmaqla öncədən qeydiyyatdan keçmək xahiş olunur”, - məlumatda bildirilib.