Avropa Təbii Elmlər Akademiyasının üzvü, ixtisasca mama-ginekoloq olan Firəngiz Rüstəmovanın yeni kitablarının təqdimatı keçirilib.

Kult.az xəbər verir ki, həkimin “Folk və ya xalq təbabəti” və “Təbabət və mifologiya: görünən və görünməyən əlaqələr” adlı kitablarında təbiətdəki sirli bitkilərlə bağlı məlumatlar qeyd olunub.

Pandemiya şərtlərinə uyğun olaraq həyata keçirilən tədbirdə iştirak edən AQSİA İdarə Heyətinin sədri Səkinə Babayeva, politoloq, əməkdar jurnalist Aynur Camalqızı, əməkdar jurnalist, AQSİA İdarə Heyətinin üzvü Mətanət Ağamirli, yazıçı-jurnalist Şərəf Cəlilli, AQSİA İdarə Heyətinin üzvü Pərvanə İsgəndərova və başqaları öz çıxışlarında kitabla bağlı yüksək fikirlərini bildirərək, kitabların ictimaiyyət, xüsusilə qadınlar üçün ciddi çəkisindən, gərəkliliyindən bəhs ediblər.