Azərbaycan Respublikası Milli Məclisinin Mədəniyyət Komitəsinin sədri, Azərbaycan-Özbəkistan parlamentlərarası əlaqələr üzrə işçi qrupunun üzvü Qənirə Paşayevanın “Addım– addım Özbəkistan” kitabı nəşr olunub.

Kult.az xəbər verir ki, kitabın redaktorları Beynəlxalq “Alaş” ədəbi mükafatı laureatı Əkbər Qoşalı, “Ədəbiyyat qəzeti”nin şöbə müdiri Sərvaz Hüseynoğlu və tanınmış özbək şair-tərcüməçisi Şəhla Qasımovadır.

“CBS” nəşriyyatında nəşr olunan 448 səhifəlik kitabın məsləhətçiləri isə Azərbaycanın Özbəkistandakı səfiri Hüseyn Quliyev, Daşkənddəki Heydər Əliyev adına Azərbaycan Mədəniyyət Mərkəzinin direktoru Samir Abbasov və Özbəkistanın məşhur “Kitab dünyası” qəzetinin baş redaktoru Xasiyyət Rüstəmdir. Nəşrin redaksiya heyətinə həmçinin Arzu Bağırova (Regional Hüquqi və İqtisadi Maarifləndirmə İB sədri) və İntiqam Yaşar (DGTYB başqanı) daxildir.

Müəllif kitabın əsas hissəsini qardaş ölkəyə etdiyi səfərlərin təəssüratları əsasında yazdığını bildirib.