Ukraynalı yazıçı, şair və musiqiçi Sergey Jadan ədəbiyyat üzrə Nobel mükafatına namizəd olub.

Kult.az xəbər verir ki, ukraynalının namizədliyi Polşa Akademiyasının Ədəbiyyat Elmləri Komitəsi tərəfindən təklif edilib.

"Sergey Jadan Ukraynanın ən böyük şairlərindən biridir. Onun əsərləri bir neçə dilə tərcümə edilib. Fikrimizcə, Nobel yazıçısı belə olmalıdır. Onun bir şair kimi səsi ukraynalılar üçün xüsusi əhəmiyyət kəsb edib. Azad Ukrayna bir çox cəhətdən Jadanın sözləri ilə danışır və fikirləşir, onu diqqətlə dinləyir. Bu gün Jadan Xarkovdadır. Və o, döyüşür”, - Polşa humanitar elmləri alimlərinin bəyanatında deyilir.