Xalq yazıçısı Kamal Abdullanın “Unutmağa kimsə yox” romanı Təbrizdə çap olunub.

Kult.az xəbər verir ki, bu haqda kitabı əski əlifbaya uyğunlaşdıran güneyli soydaşımız, yazıçı-tərcüməçi Elyar Polad məlumat verib. O bildirib ki, roman “Həkim Nizami” nəşr evi tərəfindən oxuculara təqdim olunub.

Elyar Polad qeyd edib ki, 2014-cü ildə Kamal Abdullanın “Sehrbazlar dərəsi”, 2018-ci ildə isə “Yarımçıq əlyazma” romanları Təbrizdə işıq üzü görüb.

Qeyd edək ki, “Unutmağa kimsə yox” romanı Bakıda, Moskvada (rusca) və Türkiyədə nəşr olunub.

Bu roman çap olunduqdan sonra Azərbaycan ədəbi mühitində geniş müzakirələrə səbəb olub. Roman haqqında müxtəlif qəzet və internet saytlarda müzakirələr aparılıb. Roman əsasında müəllifin eyniadlı pyesi görkəmli rejissor Vaqif İbrahimoğlu tərəfindən Gənc Tamaşaçılar Teatrında səhnələşdirilib.