Azərbaycanın görkəmli şairləri - Məmməd Araz və Nüsrət Kəsəmənlinin şeirlərini gənc şairə Pünhanə Əliyeva öz adına çıxıb.

Bu haqda tanınmış şair Nüsrət Kəsəmənlinin oğlu Rəşad Kəsəmənli Axar.az-a məlumat verib. O, bunun biabırçılıq olduğunu bildirib:

"Pünhanə Əliyeva adlı bir xanım "Mən varam" adlı kitab çap etdirib. Kitabda atama və Məmməd Araza aid bir neçə şeir var. Bircə kəlməsini belə dəyişmədən o şeirləri verib. O boyda böyük şairlərin şeirlərini hansı haqla mənimsəmək, öz adından təqdim etmək olar? Mənə maraqlıdır ki, bu qadın bu qədər səhv edib. Onun kitabının arxasında yazılıb ki, "Qızıl Qələm" mükafatçısıdır. Yaxşı, o səhv edib, bəs ona bu mükafatı verən şairlər, yazarlar görmürlər ki, bu şeirlərin müəllifi kimdir?"