Bakı Şəhər Mədəniyyət Baş İdarəsinin təşkilatçılığı ilə Buzovnada yerləşən R.Axundov adına Mədəniyyət evində “Qonağımız var” layihəsi çərçivəsində detektiv yazıçı Müşfiq Abbasovun kitabsevərlərlə növbəti görüşü baş tutub.

Kult.az xəbər verir ki, tədbirdə detektiv yazıçı hər bir əsərin gənc nəslin maariflənməsində, mütaliə məsələlərində mühüm rol oynadığını diqqətə çatdırıb.

Yazıçı xeyli oxucusu qarşısında özünün gələcək yaradıcılıq planlarından da danışıb.

Sonda M.Abbasov böyük məmnunluq duyduğu görüşün təşkilatçılarına, eləcə də bütün tədbir iştirakçılarına minnətdarlığını bildirib.

Qeyd edək ki, o, “Qan haqqı”, “-4”, “Şeytanın siması” kitablarının müəllifidir.