Ədəbi prosesi dəyişə biləcək böyük layihələrin planı hazırlanmalı və ölkədə ədəbiyyat adına bizim tanıdığımız bütün çürük "ədəbi qurumlar" gəncləşdirilib, təzyiqli, şəkərli, göz və yaddaşsızlıq xəstəliyindən əziyyət çəkən ədəbi babalardan təmizlənməlidir.

Axar.az xəbər verir ki, bu sözləri tanınmış tənqidçi İradə Musayeva şəxsi Feysbuk səhifəsində yazıb. O, ədəbi qurumlarla bağlı maraqlı təkliflə çıxış edib:

"Sonra həmin aydınlanmış ədəbi qurumları səmimi şəkildə özündə birləşdirən Böyük, dünyaya çıxa biləcək ƏDƏBİYYAT naminə yeni bir müqəddəs qurum yaradılmalıdır. Başqa yol yoxdur. Ayağını dirəyib şər-böhtan kampaniyası ilə üzümüzə duran olsa, 1937-nin üsulunun daha sivil formasından istifadə edib, onları sovet hökumətindən aldıqları bağ evlərində müvəqqəti (yeni qurum tam formalaşana qədər) həbs etmək lazımdır... Amma bu qurum dövlət qayğısı və marağı çərçivəsində olmalıdır. Həm də maddi dəstəyi..."