Yuxarı

Putin Paşinyanı Qarabağla bağlı təlimatlandırır - Səbəb

Ana səhifə Gündəm
12 Punto 14 Punto 16 Punto 18 Punto

Rusiya Paşinyanı Qarabağ danışıqlarına dəvət etməklə öz mənafeyini qorumağa çalışır.

Bu sözləri Axar.az-a açıqlamasında politoloq Arzu Nağıyev deyib. Ekspert bildirib ki, Paşinyan hakimiyyətə gələndə hər kəs danışıqlar prosesinin davam etməyəcəyi qənaətində idi:

“Sərkisyanın tərəfdarları belə fikirləşirdilər ki, Paşinyan Qərbin adamı olduğundan Rusiyanın dedikləri ilə oturub durmayacaq. Hətta bu üzdən onu Dağlıq Qarabağ məsələsində bir satqın kimi qələmə verməyə başladılar. Lakin Paşinyan ilk səfərini Qarabağa etməklə oynanılan kartın məhz Dağlıq Qarabağ kartı olduğunu bir daha göstərdi. Ancaq o, Dağlıq Qarabağda baş verən prosesləri Sərkisyan qədər bilmir, ona görə də sələfi ilə görüşməyə hazırdır. Rusiya isə Paşinyanı Qarabağ danışıqlarına dəvət etməklə öz mənafeyini qorumağa çalışır. Çünki danışıqlar prosesinin baş tutmaması bütövlükdə bölgənin təhlükəsizliyinə bir təhdiddir. Qərb də bunun əleyhinə olaraq Rusiyaya daha böyük sanksiyalar tətbiq edə bilər. Digər tərəfdən, Dağlıq Qarabağ məsələsi müsbət həll olunarsa, Rusiya artıq öz nüfuzunu itirmiş olacaq. Moskva da İrəvanı danışıqlar prosesi ilə bağlı məhz buna görə təlimatlandırıb”.

Politoloq hesab edir ki, istənilən halda Dağlıq Qarabağın statusunun və digər məsələlərin yenidən müzakirəyə çıxarılması müsbət haldır:

“Trampın Azərbaycanı önəmli tərəfdaş adlandırması və iyunun 12-də TANAP layihəsinin açılışının gündəmdə olması onu göstərir ki, Qarabağ münaqişəsinin həllində müsbət tendensiyalar ola bilər. Azərbaycan öz suverenliyinin bərpası istiqamətində sərt siyasətini bundan sonra da davam etdirəcək və heç bir bloka qoşulmayaraq prinsipial mövqeyindən dönməyəcək”.

Qeyd edək ki, Ermənistan XİN-in yeni rəhbəri Zöhrab Mnatsakanyan rusiyalı həmkarı ilə telefon danışığından sonra danışıqların növbəti anonsunu verib. Bu yaxınlarda isə Minsk Qrupunun həmsədrlərinin İrəvana səfəri gözlənilir.

Tarix
2018.05.26 / 08:00
Müəllif
Aygün Yusibova
Şərhlər
Digər xəbərlər

Əliyevin liderlərə məktubu diplomatlara çatdırıldı

Ordumuzun Dığ əməliyyatı: İrəvan cinayət işini bağladı

Azərbaycandan 14,5 min hektar necə qoparılıb? – Qalumyan

Azərbaycan XİN-dən Britaniya səfirinə cavab

İlham Əliyev fərman imzaladı

Paşinyan məsuliyyətə cəlb olunur: Müraciət göndərildi

Overçuk Mustafayevlə görüşdü

Hindistan bununla Türkiyə və Azərbaycanı hədəf alır

Əliyevlə yarım saat görüş olacaqdı, ancaq... - Kalaşnikov

Ermənilərdən şok etiraf: Azərbaycana “sanksiya”...

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla