Martın 7-də səhər saatlarından etibarən Bakı şəhəri, Binəqədi rayonu, Biləcəri qəsəbəsi, Ordubadi küçəsində təmir-tikinti işlərinə başlanacaq.

Azərbaycan Avtomobil Yolları Dövlət Agentliyindən Axar.az-a bildirilib ki, bununla əlaqədar yolda hərəkət hissə-hissə qismən məhdudlaşdırılacaq. Sürücülərdən təmir-bərpa işlərinin aparıldığı müddət ərzində sözügedən yolda hərəkətdə olarkən diqqətli olmaları, müvəqqəti yol nişanlarına, həmçinin yol hərəkəti qaydalarına əməl etmələri və sıxlığın yaranmaması üçün alternativ yollardan istifadə etmələrinə üstünlük vermələri xahiş olunur.

Qeyd edək ki, daha öncə sözügedən küçədə təmir işlərinə ehtiyac olması barədə məlumat yaymışdıq.