Ana səhifə Toplum |
Biləcəri qəsəbəsində yerləşən yeni yaşayış massivində yollar bərbad vəziyyətdədir.
Bu barədə Axar.az-a sözügedən ərazidə yaşayan sakinlər şikayət ünvanlayıblar.
Onların sözlərinə görə, yolun asfalt örtüyü olmadığına görə yağışlı və qarlı hava şəraitində bu küçələrdən keçib dərsə, işə və s. getmək mümkün deyil. 10 ildən çoxdur çətin vəziyyətdə qalan sakinlər ərazidə heç bir təmir-bərpa işləri aparılmadığını bildiriblər.
Məsələ ilə bağlı saytımıza danışan Azərbaycan Avtomobil Yolları Dövlət Agentliyinin mətbuat katibi Anar Nəcəfli həmin ərazidəki yolların AAYDA-nın balansında olmadığını deyib:
“Bu ildən etibarən Biləcəri qəsəbəsində daxili yollar bizim balansımızda olmasa da, təmirinə başlanılıb. Biləcəri qəsəbəsi kifayət qədər böyük ərazini əhatə edir. Keçilməz olan yollar hissə-hissə təmir olunur. Sözügedən yollarda da təmir-bərpa işləri aparılacaq”.
Tarix
2019.02.19 / 15:58
|
Müəllif
Büllurə Yunus
|