Güney azərbaycanlı dramaturq, yazıçı və tərcüməçi Mehdi Muradpur Almaniyanın Hamburq şəhərində dünyasını dəyişib.

Kult.az xəbər verir ki, bu haqda onun ailəsi məlumat yayıb.

Məlumata görə, Muradpur oktyabrın 20-də uzun sürən xəstəlikdən vəfat edib.

Qeyd edək ki, 1979-cu ildə Tehranda azərbaycanlı ailədə anadan olan Mehdi Muradpur 2001-ci ildə Almaniyaya mühacirət edib.

O, Leypsiq və Havanada ispan dili və ədəbiyyatı, sosiologiya və mədəniyyətşünaslıq üzrə, 2014-cü ildən isə Avstriyanın Qrats şəhərində dramaturgiya üzrə təhsili alıb.

Beş əsəri Almaniya və Avstryada nümayiş olunan Muradpurun "Məkansız bədən" romanı ən çox oxunan kitablar siyahısına salınıb.