Dekabrın 7-də Ana Vətən Partiyası Ali Məclisinin toplantısı keçirilib.

Axar.az xəbər verir ki, toplantıda parlamentə seçkilər müzakirə olunub.

Ana Vətən Partiyasının sədri Fəzail Ağamalı ölkədə gedən islahatların geniş təhlilini verib. O, növbədənkənar parlament seçkilərini zəruri edən səbəblər üzərində dayanıb və qarşıdakı parlament seçkilərində aktiv iştirak etməyin vacibliyini vurğulayıb.

AVP sədrinin müşaviri Jalə Mütəllimova Ali Məclisinin bəyanatını məclis üzvlərinə təqdim edib.

Bəyanatda ölkədə həyata keçirilən kadr və struktur islahatları dəstəklənib. Həmçinin növbədənkənar seçkilərdə partiyanın fəal iştirakı zəruri hesab edilib.

Bu gün Ümid Partiyası da Ali Məclisinin toplantısını keçirib. Toplantıda növbədənkənar seçkilərdə iştirakla bağlı qərar verilib.

Üçid Partiyası seçkidə iştirak edəcək namizədlərinin siyahısını da təsdiqləyib. Bəlli olub ki, partiya 72 dairədən öz namizədini irəli sürəcək.

Həmçinin 13 nəfərin namizədliyi məsələsinin təsdiqi üçün səlahiyyət partiyanın Rəyasət Heyətinə verilib.

Qeyd edək ki, ölkənin əksər müxalif partiyaları seçkidə iştirak qərarı verib.