Ermənistan və Azərbaycan arasında əldə olunmuş razılaşmanı alqışlayırıq.

Axar.az xəbər verir ki, bunu Avropa Birliyi Şurasının Prezidenti Şarl Mişel sosial şəbəkə hesabında Azərbaycan və Ermənistan arasında ötən gün əldə edilən razılaşma haqda yazıb.

“Hər bir ölkənin ərazi bütövlüyünün birmənalı tanınmasına əsaslanan sərhədlərin delimitasiyası Brüsseldə də müzakirələrin əsas elementinə çevrilib və bütün regionun sülh yolu ilə açılması istiqamətində mühüm addım olacaq”, - Mişel qeyd edib.

Xatırladaq ki, ötən gün Qazaxın işğal altında olan 7 kəndindən anklav olmayan 4 kəndinin Azərbaycana qaytarılması barədə razılıq əldə edilib.