Sahibkarlığın inkişafı, dövlət tərəfindən sahibkarlara dəstək müəyyən qədər ölkədə aparılan gömrük siyasətindən asılıdır.

APA xəbər verir ki, bu barədə "Sahibkarlar günü"nə həsr olunan konfransda Dövlət Gömrük Komitəsinin sədri Aydın Əliyev bildirib.

"Ölkə başçısı İlham Əliyev tərəfindən sahibkarlara və sahibkarlığın inkişafına dəstəyin verilməsi istiqamətində böyük addımlar atılıb. Söhbət rəsmi sənədlərin imzalanmasından yox, onların icrasından gedir. Mən bütün sahibkarları əmin etmək istərdim ki, siz öz fəaliyyətinizdə gömrük orqanlarından bundan sonra da yalnız dəstək görəcəksiniz".