Ana səhifə Hadisə |
Almaniyanın “Rammstein” qrupunun lideri Till Lindemann video paylaşıb.
Virtualaz.org-un məlumatına görə, Till orada xahiş edir ki, onu Bakıda festivalda onunla şəkillər çəkdirən Rusiya artistlərindən "xilas etsinlər”. Məsələ ondadır ki, Rusiyadan olan bir çox ulduzlar Almaniyadan gələn artistlə təkcə salamlaşmaq yox, həm də onunla yadigar şəkil çəkdirmək şanslarını qaçırmayıblar, üstəlik sonradan onları İnstaqram-da da paylaşıblar.
Məsələn, onunla fotonu müğənni-aktyor Aleksandr Revva və musiqi prodüseri İosif Priqojin də yayıblar. Ancaq sosial şəbəkələrin istifadəçiləri artistin Rusiya ulduzlarının əhatəsində görüntülənməsinə təəccübləndilər. Onlara elə gəlib ki, ruslar onu "əsir götürüblər" və şəkil çəkdirməyə məcbur ediblər. Hətta ona, bu məzəli versiyanı təsdiq etmək üçün, "iki dəfə göz qırpmağı" təklif ediblər.
Lindemann-ın meneceri Anar Reybend isə haqqında söhbət gedən videonu çəkib. Həmin videoda musiqiçi həqiqətən də iki dəfə gözlərini qırpır və əlində "kömək edin" sözləri yazılmış kağız parçası tutur..
Tarix
2017.07.29 / 23:46
|
Müəllif
Axar.az
|