Tanınmış yazıçı və aparıcı Orxan Fikrətoğlu yeni telemövsümdən Speys TV-də fəaliyyətə başlayıb.

Kult.az xəbər verir ki, "Gecə düşüncələri" layihəsinin müəllifi Orxan Fikrətoğlu Speys TV-də fəaliyyət göstərməsinin səbəblərini açıqlayıb:

“Speys TV-dən qabaq telekanalın prezidenti Vaqif Mustafayevi tanıyırdım və onunla birgə işləməyə gəlmişəm. Elə bil ki, min ildir burdayam. Rəhbərlikdən tutmuş sıravi işçilərə qədər hamı hörmətimi saxlayır”.

Orxan Fikrətoğlu həmçinin reytinq probleminə də toxunub: “Mənim layihələrimə baxan milli azlıq Üzeyir Hacıbəyovun ilk operası zamanı zalda oturan on iki nəfərin övladlarıdır. Onu da unutmayın ki, bizi millət edən də həmin o on iki adamın düşüncəsidir. O adamlar az olduğu üçün reytinqə təsir edə bilmirlər. Yəqin ki, mənə o adamlar baxacaq. Mən onlar üçün işləyirəm”.