Bu gün Dövlət Təhlükəsizliyi Xidmətinin rəisi, Milli Qəhrəman, general-leytenant Mədət Quliyevin 59 yaşı tamam olur. Tanınmış idmançı Kamil Zeynallının bu münasibətlə Mədət Quliyevə yazdığı təbrik maraqla qarşılanıb.

Kult.az xəbər verir ki, K.Zeynallı Mədət Quliyevlə təsadüfü görüşünü və qısa müddət sürən ünsiyyət zamanı onun insanlığına heyran olduğunu qeyd edib:

“Təxminən 7-8 il bundan öncə Mədət müəllimlə bir toyda tanış olduq, yan-yana əyləşdik, o zaman DİN Baş Mühafizə İdarəsinin rəisi idi, məni tanıdı. Oturanda çox səmimi münasibət yaratdı. Yuxuma da girsə, inanmazdım ki, Milli Qəhrəmanımızın bu cür səmimiyyəti olsun. Hətta Mədət müəllim ofisiantı belə yaxınımıza qoymadı. O qədər sadə insandır ki, özünə nə çəkdisə, mənə də eyni yeməkdən çəkirdi. Deyirdi ki, yaxşı ye ha, idmançı oğlansan, yeməyinə həmişə fikir ver. Məndən soruşdu ki, içki içirsən? Qorxumdan dedim ki, yox, nə içki, mən ancaq su içirəm. Tez suyu açdım, qoydum qarşıma (Həmin vaxt arada çaxırdan, pivədən içirdim).

İki saat bir yerdə oturduq, durdu oynamağa, məni də dəvət etdi... Bu insana heyran qaldım. Hətta məni yanına işə də dəvət elədi, amma müəyyən səbəblərdən alınmadı.

Həyatda hər şeyin ən mükəmməlinə layiqsiniz, Mədət müəllim, ad gününüzü təbrik edirəm. Allah sizin kimi böyüklərimizə dəyməsin”.