14:11

CVN internet televiziyasının 8 əməkdaşı işdən ayrılıb.

Kult.az xəbər verir ki, bu sözləri televiziyanın əməkdaşı Günel Xəzəl sosial şəbəkə hesabında paylaşıb. O bildirib ki, baş prodüserin əməkdaşlarla qeyri-insani rəftarı onları cana doydurub:

“Dünən CVN (Cavan) televiziyasının mən də daxil olmaqla, 8 əməkdaşı efiri yarımçıq qoyaraq, işi tərk etdik. Buna səbəb baş prodüser Ülvira Qarayevanın işçilərlə qeyri-insani rəftarı, təhqir və şəxsiyyəti alçaltması olub”.

Kanalın əməkdaşı bildirib ki, oxşar səbəblərə görə bundan əvvəl də bir neçə tanınmış jurnalist işini tərk edib.

***

İşdən çıxan 8 nəfərdən 7-nin kimliyi bəlli olub. Bunlar Günel Xəzəl, Ülvin Məhəmməd, Samir Oruc, Anar İbrahimli, Qalib Bəhram, Ülkər Alıyeva və Fəridə Abdulladır.

Qeyd edək ki, şəhərdə birlikdə olan həmkarlar tanınmış aktyor Bəhram Bağırzadə ilə çəkdirdikləri fotonu da paylaşıblar.