Bu gün 109 yaşını qeyd edən ABŞ-ın Şimali Karolina ştatının sakini Anni Uilson uzunömürlü olmaq üçün xüsusi heç bir şey etmədiyini bildirib.

Kult.az xəbər verir ki, bu barədə Uilson KHOU11 nəşrinə müsahibəsi zamanı danışıb. Onun sözlərinə görə, “uzunömürlülük sirri” deyə bir şey mövcud deyil.

“Məndən bu barədə çox insanlar soruşur. Mən isə xüsusi heç bir şey etmirəm, sadəcə yaşayıram”, - Uilson qeyd edib.

109 yaşlı xanım həmçinin qeyri-adi ənənəyə sahib olduğunu bildirib. O, hər həftənin cümə günü 1 qədəh şərab içdiyini və 109-cu doğum günündə də bu ənənəni pozmadığını söyləyib.