“Çapar” dərgisinin baş redaktoru Dilqəm Əhməd "Azərbaycan Xalq Cümhuriyyətinin 100 illiyi" yubiley medalı ilə təltif olunub.

Kult.az xəbər verir ki, bu barədə məlumatı D.Əhmədin dostları Feysbukda paylaşıb. D.Əhməd özü hazırda Türkiyədə olduğu üçün medalı onun atası Rəhim Əhmədov qəbul edib.

Dilqəm Əhməd mükafata görə dövlət başçısına təşəkkürünü bildirib:

“Cümhuriyyət Muzeyi açdığım zaman bu medalı da oraya qoyacağam. Əlbəttə, soruşulacaq ki, nə etdin ki, mükafat verdilər? Mükafat varsa, hesabat da olmalıdır. Bu haqda daha detallı yazacağam”.