Xalq şairi Musa Yaqub onu müayinə üçün gələn tibb bacılarına şeir həsr edib.

Kult.az xəbər verir ki, bu barədə şairin qızı Səhər Musaqızı qeyd edib.

“Bakıya gəldiyim günün səhəri atamı Mərkəzi Klinikaya yerləşdirdilər. I vitse-prezident Mehriban xanımın göstərişi ilə yüksək səviyyədə müayinə etdilər. Atam indi özünü yaxşı hiss edir, sadəcə hərdən kövrəldiyini görürəm.

Tibb bacılarına yazdığı şeiri özü bəyənməsə də, pis alınmamışdı. Özü yaza bilmədi, o dedi, Nərgiz yazdı. Nərgiz də şeiri çərçivəyə saldırıb verdi tibb bacılarına, onlar da qoydular qeydiyyat otağındakı masanın üstünə”, - S.Musaqızı bildirib.

Qeyd edək ki, Musa Yaqub uzun müddətdir parkinson xəstəliyindən əziyyət çəkir.