Fransız aktrisa və müğənni Mari Lafore İsveçrədə vəfat edib.

Kult.az xəbər verir ki, aktrisa 80 yaşı qeyd olunduqdan bir ay sonra vəfat edib. M.Laforenin ölümünün səbəbi açıqlanmır.

Qeyd edək ki, əsl adı Maytena Mari Bricitt Dumenak olan aktrisa 1960-cı ildə rejissor Rene Klemanın “Parlaq günəşdə” filmində Alen Delonla birgə çəkildiyi obrazla məşhurlaşıb.

M.Lafore ifa etdiyi mahnılarla da məşhurdur. Həmin mahnılar sırasında Fransua Ozonun çəkdiyi "8 qadın" filmində səsləndirilən “Mon amour, mon ami”, o cümlədən “Viens, viens”, “Manchester et Liverpool” və digərləri var.