Ana səhifə Hadisə |
“Reynmen” ləqəbli türkiyəli məşhur müğənni Yusif Aktaşın “Leila” adlı klipində Türkiyə bayrağının zədəli olması sosial şəbəkələrin məxsusən Azərbaycan seqmentində müzakirələrə səbəb olub. İstifadəçilərin bir qismi bunun təsadüf olduğunu yazsalar da, bir çoxu görüntünü Türkiyə bayrağına hörmətsizlik kimi qiymətləndiriblər.
Məsələ ilə bağlı Kult.az-a danışan klipin rejissoru Həsən Kuyucu bayrağın küləkdən zədələndiyini deyib.
“Əlbəttə ki, bu, məqsədli şəkildə törədilməyib. Klipin beynəlxalq uğur qazanacağını düşündüyümüz üçün bayrağın görüntüsünü vermək istədik. İşlərimizə nəzər yetirsəniz, ölkəmizə aid hər hansı bir simvolu kliplərimizdə canlandırdığımızı görəcəksiniz. Belə söz-söhbətlərin müzakirəsi ölkəsini sevən və hər fürsətdə onu tanıtmağa çalışan biri kimi məni məyus edir. Hətta mən dünyaca məşhur insanları Türkiyəyə gətirib kliplər çəkirəm”, - rejissor deyib.
Qeyd edək ki, sözügedən görüntünü klipin 02:09 dəqiqəsində izləyə bilərsiniz.
Klip təxminən 20 gün ərzindən 52 milyondan çox izlənilib.
Tarix
2020.02.21 / 10:51
|
Müəllif
Samir Soltanov
|