15:41

Xalq artisti Rafael Dadaşov dünyasını dəyişib.

Kult.az xəbər verir ki, bu barədə Lent.az -a tanınmış aktyorun qızı, müğənni Səidə Dadaşova bildirib.

“Çox ağırdır. Atam indi dünyasını dəyişdi. Çox danışa bilmirəm. Dünyasını dəyişən zaman hamımızdan halallıq istədi”, - o deyib.

***

Uzun sürən xəstəlikdən sonra bir neçə saat əvvəl vəfat edən xalq artisti Rafael Dadaşovun oğlu Emil Dadaşov atasının ölümündən danışıb.

Aktyorun oğlu Musavat.com-a deyib ki, R.Dadaşovun övladlarına bir-biri ilə mehriban olmaqla bağlı vəsiyyəti son sözləri olub.

Qeyd edək ki, aktyor dekabrın 2-də axşam saatlarında Mərkəzi Neftçilər Xəstəxanasına ürəyin işemik xəstəliyi, infarktdan sonrakı kardioskleroz və ağciyərlərin xroniki abstruktiv xəstəliyi diaqnozu ilə yerləşdirilmişdi. Azərbaycanın Birinci vitse-prezidenti Mehriban Əliyeva sənətçinin müalicə xərclərini öz üzərinə götürmüşdü.

Rafael Dadaşov 4 yanvar 1946-cı ildə Naxçıvanda doğulub. O, 1972-ci ildə M.Əliyev adına Azərbaycan Dövlət İncəsənət İnstitutunu bitirib.

1976-cı ildən Akademik Milli Dram Teatrının aktyor truppasında çalışırdı.

Allah rəhmət eləsin!