Məşhur fotoqraf Reza Deqati Kəlbəcərdəki İstisu ilə bağlı paylaşım edib.

Kult.az xəbər verir ki, bu barədə fotoqraf İnstaqram hesabında yazıb.

“Minlərlə xəstəliyin müalicəsi.

Kəlbəcərin yerli adı İstisu olan müalicəvi su mənbələri qədim zamanlardan bəri milyonlarla insan üçün ən yaxşı istirahət yeri olub. Sovet dövründə bu bölgə müxtəlif isti su mənbələri ilə ən çox bəyənilən təbii sağlamlıq sanatoriyalarından biri idi.

Erməni qüvvələrinin işğalı altında qalan 28 il ərzində bütün bu ərazilər viran qalıb. Burada qarın altında və mənfi 6 dərəcə şaxtada qaldığımız müddətdə mən və köməkçim Anar üçün İstisu qaynar hamam və təraş yeri oldu.

Dağların və təbii sərvətlərin gözəlliyi valehedicidir. Bu ərazinin tezliklə dünya səviyyəli istirahət ocağına çevriləcəyini bir yerə qeyd edin”, - fotoqraf bildirib.