Azərbaycan Dövlət Gənc Tamaşaçılar Teatrının aktyoru Ələsgər Qurbanəliyev dünyasını dəyişib.

Kult.az xəbər verir ki, bu barədə teatrdan məlumat verilib.

Bildirilib ki, aktyor koronavirusdan dünyasını dəyişib.

Qeyd edək ki, bir müddət əvvəl Ə.Qurbanəliyevin qardaşı da COVID-19-dan vəfat edib.

Xatırladaq ki, Ələsgər Qurbanəliyev 1948-ci ildə Abşeron rayonunun Qobu qəsəbəsində anadan olub. O, 1971-ci ildə Azərbaycan Dövlət İncəsənət Universitetinin "Dram və kino aktyorluğu" fakültəsini bitirib. Əvvəllər Sumqayıt Dövlət Dram Teatrında işləyən aktyor 1979-cu ildən Gənc Tamaşaçılar Teatrında aktyor kimi fəaliyyətə başlayıb.

Allah rəhmət eləsin!