Ərdəbil şəhərindən olan yazıçı, şair, jurnalist və mədəni fəal Müjgan Siyami Ərdəbili aprelin 6-da vəfat edib.

Kult.az xəbər verir ki, bu barədə onun yaxınları məlumat yayıb.

1971-ci ildə anadan olan Müjgan Siyami Ərdəbili Azərbaycan və fars dillərində nəşr olunan "Saray" dərgisinin məsulu olub. O, İranda Azərbaycan dilinin qorunması və inkişaf etdirilməsi üçün fəaliyyət göstərən az saylı xanım fəallardan olub.

Xanım yazıçı "Son seans", "Ərdəbilnamə", "Yaşamadım, qusdum" kimi şeir və hekayələr, habelə fars dilində bir neçə kitabın müəllifidir.

Bununla yanaşı o, bir çox roman, hekayə və ədəbi-tarixi əsərləri fars dilindən Azərbaycan dilinə tərcümə edib. Dinc fəaliyyətlərinə görə həbs edilən xanım jurnalistin iki dəfə həyatına sui-qəsd olub, uzun müddət həbsdə qalıb.