Meyxanaçı Xəyyam Əhmədli vəfat edib.

Kult.az Musavat.com-a istinadən xəbər verir ki, bu barədə sosial şəbəkədə jurnalist Vilayət Muxtar məlumat paylaşıb.

Xəyyam Əhmədli uzun müddətdir ürək çatışmazlığından əziyyət çəkirdi.

Xatırladaq ki, Xəyyam Əhmədli 1980-ci ildə Bakının Xətai rayonunda, Əhmədli yaşayış massivində anadan olub. Ali təhsil almayan Xəyyam meyxana sənətində özünəməxsus üslubu ilə tanınıb. Ailəlidir, övladı yoxdur. Son illər Xəyyam Əhmədli sağlamlıq problemləri ilə mübarizə aparırdı. O, 2018-ci ildə ürəyindən anju əməliyyatı keçirib. 2023-cü ildə isə insult keçirib və ağır ürək problemi ilə əlaqədar xəstəxanada müalicə alırdı.