18:27

Bu gün Azərbaycan Premyer Liqasının XI turuna iki gərgin oyunla yekun vurulacaq.

Axar.az xəbər verir ki, hazırda Qəbələ şəhər stadionunda keçirilən matçda "Qəbələ" klubu "Qarabağ"la qarşılaşır. İlk hissədən sonra hesab 1-0 "Qəbələ"nin xeyirinədir. Oyunda hələ ki yeganə qolu 33-cü dəqiqədə S.C.Adeniyi vurub.

Günün digər matçı isə saat 19:30-da keçiriləcək və "Sumqayıt" "Keşlə"ni qəbul edəcək.

Qeyd edək ki, 10 turdan sonra "Qarabağ" 20 xalla 3-cü, "Qəbələ" isə 12 xalla 5-ci sıradadır. "Qarabağ" lider "Neftçi"nin xal itirdiyi həftədə qalib gələcəyi təqdirdə "flaqman"la arasındakı fərqi 3-ə endirəcək.

***

"Qarabağ" ikinci hissədə Emeqara (47), Miçel (65) və Ozobiçin (69) vurduğu qollarla "Qəbələ"ni 3-1 məğlub edib.

***

"Keşlə" Amil Yunanov (2), Georgis Georgiadis və Andre Klennonun qolları ilə "Sumqayıt"ı 4-1 məğlub edib.