Bizi bu hala salanlara Allah lənət eləsin.

Axar.az xəbər verir ki, bu sözləri Türkiyənin tanınmış sənətçisi İbrahim Tatlısəs yaşanan hərbi çevriliş cəhdi olayına İnstaqram hesabında münasibət bildirərkən qeyd edib.

"Məni və millətimi hansı haqla ağladırsınız? Hansı insan övladı sizin etdiklərinizi təkrarlayar? Sizlər insan övladı da deyilsiniz. Mən iki çevriliş görmüşəm. Öz xalqına atəş açan, onların üstündən tankla keçən bir Allah qulunu görmədim. Allahdan qorxduğum üçün bəddua da edə bilmirəm. Sadəcə Allah sizləri bildiyi kimi etsin", - Tatlısəs qeyd edib.

Xatırladaq ki, 15 iyul gecəsi baş verən iğtişaşlarda 246 nəfər şəhid olmuşdu.