Azərbaycan böyük ölkədir və Prezident İlham Əliyevlə dost olduğum üçün fəxr edirəm.

Axar.az xəbər verir ki, bu sözləri müğənni-bəstəkar Eminin prodüser Sergey Kojevnikovla birlikdə açdığı "Tvoy dom" və Jara TV kanallarının təqdimat mərasiminə qatılan məşhur aktyor Stiven Siqal "Moskva-Baku" portalına açıqlamasında deyib.

Stiven Siqal ötən il Bakıda olduğunu və Heydər Əliyev Mərkəzində tamaşaçılar qarşısında blyuz musiqisini ifa etdiyini deyib.

Aktyor Azərbaycana növbəti səfər tarixini də açıqlayıb:

"3 gündən sonra Azərbaycana gedəcəyəm. Bakıda mənim yaxın dostlarım yaşayır. Onlarla görüşə tələsirəm".