Ukraynada həmyerlimiz "Dünyanın səfiri" fəxri adına layiq görülüb.

Musavat.com xəbər verir ki, Ukraynanın xalq artisti, Müslüm Maqomayev adına Mədəniyyət Mərkəzinin rəhbəri, Birləşmiş Ukrayna Azərbaycanlıları Konqresinin idarə heyətinin üzvü Qurban Abbasov "Dünyanın səfiri" adını alıb. Fəxri ad YUNESKO-nun nəzdindəki "Universal peace Federation" ("Bütün dünyaya sülh") federasiyası tərəfindən verilib.

Qeyd edək ki, Qurban Abbasovun rəhbərliyi ilə 2001-ci ildə BUAK-nin nəzdində Azərbaycan mahnı və rəqs absamblı yaradılıb. Ansambl 15 il ərzində Ukraynada xalqımızın zəngin musiqi mədəniyyətini layiqincə təmsil edib, bir çox beynəlxalq musiqi festivallarının, həmçinin Ukrayna Mədəniyyət Nazirliyinin ən yüksək mükafatlarına layiq görülüb.