Bu gün Beynəlxalq Muğam Mərkəzində Azərbaycan və İsrail musiqiçilərinin birgə konserti təşkil olunub.

Teleqraf.com xəbər verir ki, ikinci "Sound Wave" etno-konsertdə İsrail milli musiqisinin muğamla sintezi təqdim olunub. Konsert İsrailin Azərbaycandakı səfirliyinin dəstəyi ilə həyata keçirilib.

İsrailin ölkəmizdəki səfiri Dan Stav giriş sözü ilə çıxış edərək, İsrail musiqisi haqda tamaşaçılara məlumat verib. Onun sözlərinə görə, musiqi insanlar arasında əlaqələrin vacib hissəsidir. Diplomat konsertin təşkil olunmasında göstərdiyi dəstəyə görə Azərbaycan Mədəniyyət və Turizm Nazirliyinə, Beynəlxalq Muğam Mərkəzinin rəhbərliyinə təşəkkür edir. Daha sonra konsert proqramı açıq elan olunub.

Konsertdə israilli musiqiçilər Şem Tov Levi və Qadi Ben Elişa, Azərbaycanın muğam ifaçıları Hüseyn Məlikov, Sahib Paşazadə, Toğrul Əsədullayev və Soltan Əliyev çıxış edib.