Gözdən əlillər üçün kitab yetərincə deyil.

Bu sözləri Kult.az-a Gözdən Əlillər üçün Respublika kitabxanasının direktoru Şəhla Vəliyeva deyib. Onun sözlərinə görə, kitabxanada 1200 oxucu var:

“Amma oxucular üçün kitab yetərincə deyil. Kitab sayı bir az da artıq olsa, daha yaxşı olardı”.

Direktor bildirib ki, kitabxanaya gəlməkdə çətinlik çəkən və digər fiziki qüsuru olan oxucular üçün kitablar səyyar formada mənzillərinə çatdırılır.

Qeyd edək ki, Gözdən Əlillər üçün Respublika kitabxanası 1981-ci il iyunun 1-də Azərbaycan Korlar Cəmiyyətinin təşəbbüsü ilə həmin cəmiyyətin tabeliyində “Respublika Mərkəzi Korlar Kitabxanası” kimi fəaliyyətə başlayıb. 2006-cı ilin mart ayından etibarən isə kitabxananın adı dəyişdirilərək “Gözdən Əlillər üçün Respublika kitabxanası” adlandırılıb.