“Bu şəhərdə” kollektivi Aprel qələbəsinin ildönümü münasibəti ilə Cocuq Mərcanlıda konsert veriblər.

Kult.az xəbər verir ki, böyük coşqu ilə qarşılanan konsert proqramında məxsusi olaraq qələbə və Ordumuz üçün hazırlanan səhnələr nümayiş etdirilib. Daha sonra “Bu şəhərdə” estrada teatrının rəhbəri Müşfiq Abbasov, əməkdar artistlər Çoşqun Rəhimov və Rafael İsgəndərov əsgərlərlə nahar edib, şəkillər çəkdiriblər.

Bu, Aprel qələbəsi münasibəti ilə Cocuq Mərcanlıda keçirilən ilk konsert kimi yadda qalıb.

Qeyd edək ki, “Bu şəhərdə” komandası ötən aydan yeni – “Gəlİn” adlı konsert proqramına Gəncədə start verib. Daha sonra Sumqayıt, Bakı və yenidən Gəncəyə üz tutan komanda bu gün Azərbaycan turunu Cocuq Mərcanlı ilə davam etdirib.

“Bu şəhərdə” 9 mayda Moskvada eyniadlı proqramlı çıxış etməyə hazırlaşır.