Azərbaycan Respublikasının Milli Qəhrəmanı Mübariz İbrahimovun doğum günü münasibətilə təşkil edilən "Mübariz İbrahimov - vətənpərvərlik nümunəsi" mövzusundakı yazı müsabiqəsinə yekun vurulub.

Azərbaycan Dillər Universitetindən Kult.az-a verilən məlumata görə, artıq qaliblər bəllidir. Qaliblərin mükafatlandırılması mərasimi isə Milli Qəhrəmanımızın doğum günündə - 7 fevral 2019-cu il tarixində saat 12:00-da Azərbaycan Dillər Universitetinin akt zalında keçiriləcək.

Müsabiqənin münsiflər heyətində Kamal Abdulla, İlham Tumas, Sərraf Balaxan, Ağa Cəfərli və Şahin Sərdarlı təmsil olunur. Müsabiqədə 300 nəfərə yaxın şəxs iştirak edib. İştirakçılar arasından 1 nəfər 1-ci yerə, 2 nəfər 2-ci yerə, 3 nəfər 3-cü yerə, 7 nəfər isə həvəsləndirici mükafata layiq görülüb.

Qeyd edək ki, müsabiqənin mükafatlandırma məbləği 1150 manat təşkil edir. Müsabiqənin maliyyəsini tanınmış yazar Şahin Sərdarlı və ADU-nun bəzi müəllimləri şəxsi təşəbbüsləri ilə formalaşdırıblar.