Bu vaxta qədər çox tədbirdə iştirak etmişəm, amma bu qədər yüksək səviyyəli tədbir heç görməmişdim.

Bu sözləri xalq artisti Arif Babayev ötən gün Prezident İlham Əliyev və birinci xanım Mehriban Əliyevanın mədəniyyət xadimləri ilə görüşü barədə Kult.az-a danışarkən deyib. Onun sözlərinə görə, çox gözəl və səmimi tədbir idi:

"Prezident müraciətlərə müsbət cavab verdi. Çıxışı zamanı mədəniyyət sahəsi ilə bağlı vacib məqamlara toxundu.

Bir çox çıxışlar oldu, sənət adamları öz xahiş və təkliflərini prezidentə çatdırdılar. Prezident Süleyman Ələsgərovun nəvəsinin (Tahir İmanov) sualına yüksək səviyyədə reaksiya verdi. Mən də çıxışım zamanı musiqimizin hansı zirvəyə qalxmasından danışdım. Son dövrlər Prezidentimizin mədəniyyət sahəsində verdiyi fərmanlara görə öz təşəkkürümü bildirdim”.